2017年9月22日 星期五

一次滿足兩個願望

要為雨天塞滿節目不容易,日落一定唔駛諗,而且拍攝地方要係室內,即使真係落雨都唔怕.


多得朋友又帶我地去有蓋地方影相思雀.不過細光圈鏡加上天陰陰,ISO 1600只得1/100秒快門.唔想再高ISO喇,因為開咗APS-C模式都唔夠長,仲要裁,雜訊開始不太能接受.相思個頭不停郁來郁去,1/100秒其實幾搏吓.真係好多相炒咗,最後得一張叫做比較好,背景冇黑,影到兩隻冇咁齋,果實也夠紅,上面仲有點點水滴.哈哈,好似賣廣告咁.


第二波我地去活化工厦,即係利用工厦作拍攝場地,今次石膏手幫唔到手,因為欄杆所處既地方唔多啱.死火,啲牆都好高,腳架開到最高都係差小小,要zoom出小小旁邊既牆先唔會入鏡.就就就,啱啱仲影到個迴旋處,影唔到張相就差好遠.腳架再高啲就好,個迴旋處可以擺出啲.


雖然其他方向都有景,但都係麻麻,襯仲未黑齊影多個迴旋處特別就收工.

沒有留言:

張貼留言