2017年7月6日 星期四

又撻過

能夠公開影柔道既機會唔係咁多,印象中除咗捷青盃同埋三叔體育節就係冇.所以每次都會盡量去影.


影柔道話易影又得,如果你滿足啲拉拉扯扯,或者瞓喺度攬埋一舊既畫面,除非火速就一本,否則要影幾多有幾多,一組比賽交15張相都冇問題,不過攝影普及之後要求高咗好多,幾乎唔係撻緊既相都被視為失敗,甚至一定要個人在半空先叫影到.咁難度就差好遠,淨係等有撻呢個動作已經頗有難度,好多時影十場都係靠鎖技分勝負.難得有一下清脆既背負投,可惜人在半空嗰張矇咗,最後只能夠係咁.


其實更多既係求其推跌對方,然後玩攬埋一舊,都可以影到在半空架,就係兩個人都就來跌落地嗰吓 :P


有時撻就係撻喇,不過塊面又向咗下,尤其係背負投,好似怪怪的.所以我每次都會帶凳仔,務求用最低角度盡量影多啲塊面.


呢個直情唔知係乜招式,有機會又係大家一齊跌低.


每次如果影到新招式都會好開心,就好似影蝴蝶+1咁,上次影到肩車,今次影到個疑似掬投既動作,點解話疑似?因為唔係進攻既一下揪起對手掟落地,而係有人失重心成就咗個招式.好好好可惜影唔到樣哦,否則可以用來收藏,呢招好小見,多數係啲大隻佬選手先會用.所以硬係冇乜真實感 :P

沒有留言:

張貼留言