2017年7月31日 星期一

虎山行

連場大雨終於有一日比較好天,但又唔係好敢搏去啲辛苦路線,萬一中途落雨唔單只食白果,仲可能要冒雨落山,分分鐘有性命危險,大澳虎山雖然車程遠咗啲,不過要行既唔多,落雨最多只係白行一趟.


這裏是白海豚觀景台,不過跟過旅行團既你都應該知啦,就算有幸遇到都只會見到一個白點.山上既雕像擺位亦都好奇怪,冇辦法影到正面.仲未得日落,影吓個山景,同埋搵吓影屋仔既位喺邊度,原來都好近,唔駛日落後走來走去趕下場.


太陽好快就被雲層遮住,日落又落空,右面有一堆橙色好怪既物體,但面積又好細,換咗長鏡影只得一片橙色冇乜睇頭,諗住等多陣就去影屋仔夜景.發呆期間橙色物體突然極速擴大,變成火燒天,從來未見過,靚到不得了,手忙腳亂立即換翻wide鏡,混亂中影咗一張,點知另外一邊燒得仲勁,九秒九跑去起壇,老人家手腳慢起得來已經燒完.


好啦,走去影屋仔夜景.點知超級大風,腳架都吹跌.死火,影極都矇,而且唔知點解個天黑得勁快,想等陣間冇風都唔得,唯有開大光圈,加高小小ISO搏搏,好彩都有張sharp,星芒就冇乜喇.影風景既嘢有時好難講,諗住十拿九穏既夜景幾乎槓龜,冇期望既日落又影到火燒雲.

沒有留言:

張貼留言