川龍搵珍蝶

記得之前人地帶我去過係超多珍蝶的,用圍都有,甚至幼蟲,蛹及成蟲一齊出現,實有收獲冇理由不去吧,而且以前嗰啲影得好差…….

嘩,唔知搞乜鬼,咁山旮旯既地方竟然人山人海.仲有好多係駕車來,睇見佢地就慘,啲車出出入入,左避右避咁搵位俾我實掉頭走就算數.不過我仲慘,落到田竟然一隻珍蝶都冇,菜粉就好多,不過佢地好活躍,好難接近,求求其其只可影到咁細隻.

撞到好耐冇見既同道中人,大家都話唔知做乜咁靜,等等吓仲落埋雨,睇怕可以收工,佢地話除咗呢度,橋上面都有機會有,咁我就去碰吓運氣,見到成班人喺度影即係真係有………..一隻咁多.仲要係葉底添.原本就要用閃燈先啱,但係呢種蝶無論眼部定對翼都非常反光,影出來好膠,侷住背光就咁影 @@

後來飛咗去第二個地方,唔駛俾樹葉遮住,除埋個增距,收細小小光圈影,實在當天係大陰天.非常暗的.

得一隻都冇乜好影,初初仲諗住有交尾.咁啱有隻蟌,黑色都殺啦.個綠底係朋友拉起塊大葉幫我整的 :P